ХIара байташ язйинарг – Нохчийчохь массарна а вевзаш муджахIид Супьян Абдуллаев ву. СаIад – иштта ю цуьнан поэзехь йоккхуш йолу цIе, ткъа муджахIидашна юккъехь Амир СаIад олу цуьнах. СаIадан цхьайолу байташ нохчийн а, оьрсийн меттанашкахь зорбане йийлина «Ичкерия», «Кавказский Вестник», «Голос Джихада», «Послание» газеташ тIехь а, «Кавказ-Центр», «Тептар» сайташ тIехь а, иштта «Галерея памяти» (Джохар, 2004) цIе йолчу юкъарчу гуларехь а.
СаIадан дахарехь поэзи корматалла яц, цуьнан дуьненан говзалла – хьехархо ю. Амма хIокху тIаьххьарчу 15 шарахь СаIадан корматалла а, говзалла а хилла дIахIоьттина ала мегар ду АллахIан новкъахь ЖихIад дар. Цунна лерина а ю поэтан-муджахIидан дукхаха йолу байташ. Царна юккъехь къаьсттина шайна тIе тидам бохуьйтуш ю «Галерея памяти» гуларна юкъаяхана йолу оьрсийн маттахь язйинарш: «Я – воин», «Завещание матери», «Мунафик», иштта лахахь ялийначарех нохчийн маттахь язйинарш а: «ГIазотан цIий», «МуджахIидан сий».
«Бусалба вежаршка» цIе йолчу кхайкхам-байтехь керстанан бIо отуш долчу муджахIидийн эскаран хьокъехь йоккхачу дегаховхонца яздо СаIада:
Дала и толаме кхачор ду кестта,
Цо беш берг ЖихIадан сийлахь тIом бу.
Халахеташ делахь а, хIокху тайпана дешнаш эра долуш болу нохчийн поэташ (поэзи шайн корматалла ерш) багарбан цхьана куьйган пIелгаш а тоьур ду. Селхана, «Нохчийн пачхьалкх», «бусалба дин» бохуш, бес-бесарчу, хазачу дешнашца байтийн деха а, доца а кочарш дуьйцина хилла болу яккхий цIераш йолу илланчаш тахана копар-керстанийн а, муртадийн а Iедалан хьадалчаш а хилла лелаш бу.
Ишттачарех наха харц-илланчаш олу, ткъа цара язъечу хIуманех – лачбайташ. ХIара харц дуьне мел лаьтта сий а, пусар а хиндерш СаIад санна болу бакъ-илланчаш бу – Ислама-динан а, Нана-ДегIастанан а бакъ болу дай. Шаьш оцу белхан говзанчаш бацахь а, АллахI-Делах кхоьруш бу уьш, ткъа «Делах кхераро стаг сийлахь во».
Абу-Мохьмад
******
САIАД
ГIазотан цIий
Ирс-яI шун, ГIазотехь кхелхина кIентий!
Замано датор дац шун Iаьнна цIий.
Ирс-яI шун, ГIазотехь кхелхина кIентий!
Нохчийн къам мел деха хир ду шун сий.
ШахIидаш гуллучу Пирдовсан бешахь
Нур хилла лепар ду ШахIидийн цIий.
Ирс-яI шун, ГIазотехь кхелхина кIентий!
ХIуьрлаIан мехкарша дийр ду шун сий.
ГIазотан декъаха хир бу шун наной,
Лечкъадеш бIаьрхишца Iенорна цIий.
Ирс-яI шун, ГIазотехь кхелхина кIентий!
Халонгахь Даймехкан ларди аш сий.
Терзан тIехь дуьстича, АллахIна гергахь
Башламал дазлур ду шун Iаьнна цIий.
Ирс-яI шун, ГIазотехь кхелхина кIентий!
Цу ломан цхьана тIулггал делар сан сий.
МуджахIидан сий
Ма ала муджахIид велла -
И-м шуна хууш ма дац.
Боху вай кхоьллинчу Дала -
ТIееънарг Iожалла яц.
Сирла малх суьйренца бузарх -
Iуьйренца схьакхета и.
Герз кхетта турпалхо вожарх -
Пирдовсехь гIоттур ву и.
Делан дин керстанца къуьйсуш,
Iений цо шен сийлахь цIий.
Дахаран зевнечу иллехь
Дехар ду ШахIидийн сий.
Бусалба вежаршка
Къизачу экханах тарвелла, муьжги
Нохчийчохь тахана Iенош ву цIий.
Де-дийне цунна еш зоьрталчех муьшка,
МуджахIид айдеш ву вайн къоман сий.
Щайца юй хоуьйтуш Даймехкан чIагIо,
Лаьмнаш ду толаме сатуьйсуш Iаш.
Уьш хилла даим вайн гIо лоцу агIо,
Шайн хIора тIулгах деш мостагIчун каш.
Маршонна гIаьттина Ичкерин эскар
Къизачу керстанан бIо отуш ду.
Дала и толаме кхачор ду кестта,
Цо беш берг ЖихIадан сийлахь тIом бу.
Бусалба вежарий! Къaрделла-те шу,
Ца хезаш керстано тIедетта даш?
Муьжгаша дуьйцучух шу хIунда теша?
Вайн Дела резаван хIун дина аш?
Ца го-те орцане мохь бетта латта -
Къам цIийла керчича, де доцуш гIатта?
Ницкъ болчу лаьмнашна дац шуна атта -
ГIийлачу узаршка ладоьгIуш латта...
Дуьненан бусалба вежарий гIовтта!
Тапъаьлла шу Iарх а цецдевлла тхо-м.
Я тIае тхоьцаний муьжгичун гIовтал,
Толаме кхачабеш ГIазотан тIом.
Кхерар
Адамах кхийрича -
Стаг осал го.
Ткъа Делах кхераро -
Стаг сийлахь во.
Зорба тоьхна: «Нохчийн Зама», 16.03.2009
http://www.chechentimes.net/nh/content/view/41/41/
******
«Дахаран зевнечу иллехь дехар ду ШахIидийн сий»
2011-чу шеран март беттан 28-чу дийнахь гIазкхийн мехкашдIалецархоша ГIалгIайчоьнан Соьлжин кIоштан ЦIечу Ахка (Верхний Алкун) юьртана гонаха муджахIидаша Iа доккхуш хиллачу меттигна, тешнабехкаца бумбанаш а етташ, диначу тIелатарехь, инша АллахI, ШахIидаш хиллачарех цхьаъ ву Амир СаIад а – Хоттанерчу Iабдуллин Минкаилан кIант Супьян (Абдуллаев Супьян).
Кавказерчу муджахIидашна юккъехь ханна массарел а воккханиг ву ала мегар долуш вара Супьян. Далла лиънехь, хIокху шеран 8-чу ноябрехь 55 шо кхочур дара цуьнан. Оцу хенах 17 шо АллахIан новкъахь ЖихIадана дIаделла цо, шен дахаран чаккхенехь ГIазотехь дIа а кхелхаш.
ГIазотехь кхелхинчу кIентех хьоьгуш, шен цхьана байта тIехь Супьяна яздина дешнаш тахана майрра, иза ша юкъа а лоцуш, ала мегар ду:
Ирс-яI шун, ГIазотехь кхелхина кIентий!
Халонгахь Даймехкан ларди аш сий.
«ГIазотехь кхелхина кIентий» (ШахIидаш) - уьш бу уьш тахана бусалба умматан турпалхой, Ислам-динна а, Нана-Даймахкана а хала киртиг тIехIоьттича, мостагIчунна хьалха гора ца хIиттина болу къонахий.
Дала мукъалахь, «дахаран зевнечу иллехь дехар ду ШахIидийн сий»!
Абу-Мохьмад
